काठमाडौं । डिप्रोक्स लघुवित्त वित्तीय संस्थाले प्रस्ताव गरेको ४५ प्रतिशत लाभांशलाई नेपाल राष्ट्र बैंकले स्वीकृती दिएको छ । कम्पनीले हालसम्म एजीएम बस्ने मिति घोषणा गरेको छैन् ।
संस्थाले गत वर्षको नाफाबाट ३० प्रतिशत बोनस सेयर र कर प्रयोजनका लागि १५ प्रतिशत नगद लाभांश दिने निर्णय गरेको थियो । उक्त लाभांशलाई राष्ट्र बैंकले स्वीकृती प्रदान गरेको हो ।
कम्पनीले २३ करोड २० लाख २३ हजार १३२ रुपैयाँ बराबरको बोनस सेयर बाँड्नेछ । त्यस्तै, ११ करोड ६० लाख ११ हजार ५६६ रुपैयाँ नगद लाभांश वितरण गर्नेछ ।
हाल यस कम्पनीको चुक्ता पुँजी ७७ करोड ३४ लाख १० हजार रुपैयाँ रहेको छ ।
