काठमाडौं । नबिल बैंकको ३५ औं वार्षिक साधारण सभा भोलि पुस २२ गते हुँदैछ । उक्त सभा बिहान १० बजे नेपाल प्रज्ञा प्रतिष्ठान, कमलादी, काठमाडौंमा गर्ने जनाएको छ ।
नबिलले साधारण सभा र लाभांश प्रयोजनका लागि पुस ८ गते एक दिन बुक क्लोज गरेको छ । यस आधारमा पुस ७ गतेसम्म कायम शेयरधनीहरुले सभामा भाग लिन र लाभांश प्राप्त गर्न सक्नेछन् ।
सभामा बैंकले यस वर्षको लागि ३४ प्रतिशत लाभांश प्रस्ताव गरेको छ । १२ प्रतिशत बोनस शेयर र कर प्रयोजन समेत २२ प्रतिशत नगद लाभांश यस वर्षका लागि तय गरिएको हो । बैंकले लाभांश बाहेक सभाले गत आर्थिक वर्ष २०७५/७६ को वार्षिक प्रतिवेदन पारित गर्नेछ ।
त्यस्तै, सभामा चालू आर्थिक वर्ष २०७६/७७ को लेखा परीक्षणका लागि चार्टर्ड एकाउण्टेण्ट्स नियुक्ति गर्ने साथै सभाले बैंकको अधिकृत पूँजी वृद्धि गरी ११ अर्ब र्पुयाउने प्रस्ताव समेत पारित गर्ने लगायतका प्रस्तावहरु रहेका छन् ।
