काठमाडौं: जनरल इन्स्योरेन्स कम्पनी नेपालले ब्यबसाय सुरु गरेको २७ दिनमा २ करोड ९ लाख ९० हजार रूपैयाँ खुद नाफा गरेको छ।
कम्पनीको खुद बीमा शुल्क आर्जन ११ लाख ७१ हजार रूपैयाँ रहेको छ । कम्पनीको कुल बीमा शुल्क एक ३१ लाख ७० हजार रूपैयाँ छ । हालसम्म कम्पनीले १९३ बीमा लेख जारी गरेको छ। कम्पनीमा एउटा बीमालेखबाट ११ हजारको दाबि परेको छ।
७० करोड चुक्ता पुँजी रहेको कम्पनीको जगेडा तथा कोषमा ९४ लाख ४५ हजार , बीमा कोषमा १ करोड ४ लाख, महाविपत्ती जगेडा कोषमा १० लाख ४९ हजार रूपैयाँ सञ्चित रहेको छ ।
कम्पनीको प्रति शेयर आम्दानी ३ रूपैयाँ छ । प्रति शेयर नेटवर्थ १०२.८५ रूपैया र प्रति शेयर कुल सम्पतिको मूल्य २०३.७३ रूपैया रहेको छ।
