सिद्धार्थ बैंकले धनुषाको विद्यापति चोक शाखा र जनकपुर शाखाको औपचारिक रुपमा उद्घाटन गरेको छ ।
बैंकको विद्यापति चोक शाखाको उद्घाटन नेपाल राष्ट्र बैंक जनकपुर शाखाका निर्देशक हेम प्रसाद न्यौपानेले गरेका हुन् । त्यस्तै, जनकपुर शाखाको उद्घाटन जनकपुर उद्योग वाणिज्य संघका अध्यक्ष ललित कुमार शाहले गरेका हुन् ।
बैंकले विद्यापति चोक शाखा गत २०७५ फाल्गुण २२ गते र जनकपुर शाखा २०७५ चैत्र १७ गते देखि नै स्थापना गरी कारोबार गर्दै आएको थियो ।
सबै क्षेत्र र वर्गसम्म बैंकिङ्ग सेवाको पहुँच पर्याउने उद्देश्यले बैंकले देशभर १७५ वटा शाखा (४ एक्सटेन्सन् काउन्टर सहित), १०१ शाखा रहित बैंकिङ्ग सेवा, १९४ एटिएम र १,६०० भन्दा बढी पओिएस मेसिन मार्फत बैैकिङ्ग सेवा प्रदान गर्दै आएको छ ।
