काठमाडौं । लक्ष्मी बैंकले चालु आर्थिक वर्षको पहिलो त्रैमासको वित्तीय विवरण प्रकाशन गरेको छ । बैंकले पहिलो त्रैमाससम्ममा ४० करोड १९ लाख ४६ हजार रुपैयाँ खुद नाफा कमाएको छ । गत आर्थिक वर्षको सोही अवधिको तुलनामा बैंकको नाफा ३३ प्रतिशतले बढी हो । गत आर्थिक वर्षको सोही अवधिमा बैंकले ३० करोड ३० लाख १७ हजार रुपैयाँ खुद नाफा कमाएको थियो ।
चालु आर्थिक वर्षको पहिलो त्रैमासमा बैंकको वितरण योग्य नाफा १९ करोड ९० लाख रुपैयाँ रहेको छ । बैंकको चुक्ता पुँजी ८ दशमलव ५० प्रतिशतले बढेर ८ अर्ब ९२ करोड रुपैयामँ पुगेको छ ।
त्यस्तै, असोज मसान्तसम्ममा बैंकको खुद ब्याज आम्दानीपनि बढेको छ । चालु आर्थिक वर्षको पहिलो त्रैमाससम्म आइपुग्दा बैंकले ८६ करोड ५७ लाख रुपैयाँ खुद ब्याज आम्दानी गरेको छ । गत आर्थिक वर्षको सोही अवधिको तुलनामा बैंकको खुद ब्याज आम्दानी १७ प्रतिशतले बढी हो ।
चालु आर्थिक वर्षको पहिलो त्रैमाससम्म आइपुग्दा बैंकले सञ्चालन नाफामा पनि बृद्धि गर्न सफल भएको छ । यस अवधिसम्म आइपुग्दा बैंकले ५८ करोड ९६ लाख रुपैयाँ संचालन मुनाफा गरेको छ । गत आर्थिक वर्षको सोही अवधीको तुलनामा बैंकको संचालन नाफा २६ प्रतिशतले बढी हो ।
चालु आर्थिक वर्षको पहिलो त्रैमाससम्म आइपुग्दा बैंकले निक्षेप संकलन र कर्जा लगानीमा समे्त क्रमश बृद्धि गरेको छ । यस अवधिसम्म बैंकले निक्षेप संकलनमा १९ प्रतिशतले बृद्धि गरेको छ भने कर्जा लगानीमा २१ प्रतिशतले बृद्धि गरेको छ ।
त्यसैगरी प्रतिसेयर आम्दानी ३ रुपैयाँ २८ पैसाले बढेर १८ रुपैयाँ ०२ पैसा पुगेको छ । प्रतिसेयर नेटवर्थ १४५ रुपैयाँ ९४ पैसा रहेको छ । खराब कर्जा १ दशमालव ०४ प्रतिशत रहेको छ ।
