काठमाडौं । गुराँस लघुत्ति वित्तीय संस्थाको चौथो वार्षिक साधारण सभा मंसिर १४ गते हुने भएको छ । सभा न्यू अञ्जुली होटल, धनकुटामा बिहान ११ बजेबाट सुरु हुने कम्पनीले जनाएको छ ।
सभा प्रयोजनका लागि कम्पनीले कात्तिक २७ देखि मंसिर १४ गतेसम्म बुक क्लोज गर्नेछ । कात्तिक २६ गतेसम्म कायम रहेका सेयरधनीले मात्र प्रस्तावित लाभांश पाउनेछन् ।
सभामा कम्पनीले ७.६१ प्रतिशत बोनस सेयर वितरण गर्ने विशेष प्रस्ताव पेश गर्दैछ । कम्पनीले आर्थिक वर्ष २०७५/७६ को नाफाबाट ५९ लाख रुपैयाँ बोनस वितरण गर्न लागेको हो । बोनस सेयरमा लाग्ने करका लागि ०.४० प्रतिशत नगद दिने प्रस्ताव पनि पेश गर्ने एजेण्डा रहेको छ ।
सभामा कम्पनीले ‘घ’ वर्गका अन्य कुनै वित्तीय संस्थाहरु गाभ्न र गाभिन परेमा त्यसको सम्पूर्ण अख्तियारी सञ्चालक समितिलाई दिने प्रस्ताव पनि हुनेछ । सञ्चालकहरुको भत्ता बढाउने एजेन्डा समेत छ ।
आर्थिक वर्ष २०७५/७६ को वासलात, नाफा–नोक्सान र नगद प्रवाहमाथि छलफल हुनेछ । आर्थिक वर्ष २०७६/७७ को लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा पनि राखिएको छ ।
