काठमाडौं । माछापुच्छ्रे बैंक लिमिटेडको संचालक पदमा हरिभक्त सिग्देल नियुक्त भएका छन् । बैंकको संचालक समितिको ४०८ औं बैठकले सर्वसाधारण शेयरधनीहरुका तर्फबाट रिक्त भएकोे संचालक पदमा हरिभक्त सिग्देललाई आगामी बार्षिक साधारण सभा सम्मको लागि नियुक्त गरेको जनाएको छ ।
नवनियुक्त संचालक सिग्देलको सरकारी र प्राईभेट क्षेत्रमा निकै लामो अनुभव रहेको छ ।
हालसम्म बैंकले १४१ वटा शाखाहरु, १३१ शाखा रहित बैकिङ्ग सेवा, १ एक्सटेन्सन काउन्टर समेत गरी जम्मा २७३ स्थानमा रहेका सेवा सञ्जाल तथा १६५ वटा एटीएमहरु मार्फत ग्राहकहरुमा अत्याधुनिक प्रविधिसहित सम्पूर्ण बैकिङ्ग सुबिधा प्रदान गर्दै आएको छ ।
