काठमाडौँ । कामना सेवा विकास बैंकले बीमा सुविधा सहितको नयाँ बचत खाता कामना सेवा स्वर्णिम सुरक्षित प्रिमियम बचत खाता सञ्चालनमा ल्याएको छ । बैंकले आफ्नो सयौँ शाखा कार्यालय स्थापनाको अवसर पारेर उक्त बचत खाता सञ्चालनमा ल्याएको जनाएको छ ।
नेपाल राष्ट्र बैंकबाट ख बर्गकोे वित्तीय कारोबार गर्न अनुमति प्राप्त कामना सेवा विकास बैंकमा ३ वटा फरक फरक बीमा सुविधा सहित न्यूनतम ५ हजारमा खाता खोल्न सकिने छ । एभरेष्ट इन्स्योरेन्सको सहकार्यमा कामना विकास बैंकमा स्वर्णिम प्रीमियम बचत खाता खोल्ने सेवाग्राहीको चार जना परिवारले औषधी उपचार, १७ घातक रोगको जोखिम बहन र दुर्घटना बीमा सुविधा पाउने छन् ।
उक्त खाताका सञ्चालक दम्पत्ति र दुई सन्तानले २८ लाखको आकस्मिक दुर्घटना बीमा तथा शारीरिक अशक्तता, दम्पति तथा दुई बच्चालाई १७ घातक रोगहरुको अधिकतम ५ लाखको बीमा सुविधा तथा दम्पति तथा दुई बच्चालाई औषधी उपचार बीमा अधिकतम १ लाख सम्मको सुविधा पाउनेछन् ।
वार्षिक ७ प्रतिशत व्याज पाईने नयाँ खाता योजना सफल हुने विश्वास लिएको बैंकले जनाएको छ ।
