काठमाडौं । सारथी लघुवित्त वित्तीय संस्थाले भोलि बुधबार (कात्तिक ६ गते) विशेष साधारण सभा बोलाएको छ । सभामा लघुवित्तले सत्यवती लघुवित्त वित्तीय संस्थालाई गाभ्ने प्रस्ताव पेश गर्ने जनाएको छ ।
साधारण सभा होटल गण्डकी रिभ रभ्यू, शितलचोक ब्यास २, दमौली तनहुँमा बिहान ११ बजे सुरु हुने जनाएको छ । यी दुई लघुवित्त एक आपसमा गाभिने भएपछि लघुवित्तको नियमावली संशोधन गर्ने एजेन्डा पनि उक्त सभामा रहेको छ ।
त्यस्तै, सभामा दुवै संस्थाको सम्पत्ति, दायित्व र कारोबारको मूल्यांकनका आधारमा निर्धारण गरिएको स्वाप रेसियोलाई स्वीकृति प्रदान गर्ने एजेन्डा पनि छ ।
सभामा लेखापरीक्षक नियुक्ति र पारिश्रमिक निर्धारण गर्ने तथा प्रमुख कार्यकारी अधिकृतको सम्बन्धमा पनि छलफल हुनेछ ।
