काठमाडौं । सनराइज बैंकको ३ अर्बको ऋणपत्र निकाष्सनको लागि रेटिङ सम्पन्न गरेको छ । बैंकलाई रेटिङ एजेन्सी केयर नेपालले “केयर एनपी ए माइनस” प्रदान गरेको हो ।
सनराइज बैंकले ३ अर्ब रुपैयाँको ऋणपत्र ल्याउन धितोपत्र बोर्डबाट अनुमति पाइसकेको छ । बैंकले प्रतिइकाई १ हजार रुपैयाँको दरमा ३० लाख इकाई ऋणपत्र बिक्री गर्न लागेको हो । यसमध्ये १२ लाख इकाई सर्वसाधारणका लागि खुला हुने बत्रैंकले जनाएको छ ।
बाँकी १८ लाख इकाई भने बैंकले आफ्नै पहलमा अन्य संघसंस्थालाई बिक्री गर्नेछ ।यसमा बिक्री प्रबन्धकको काम सिद्धार्थ क्यापिटलले गर्नेछ ।
यस ऋणपत्रमा वार्षिक १० दशमलव २५ प्रतिशत ब्याजदर पाइनेछ । बैंकले ८ वर्ष अवधिको ‘१० दशमलव २५ प्रतिशत सनराइज डिबेन्चर २०८३’ नाममा ऋणपत्र जारी गर्न लागेको हो ।
