काठमाडौं । आइसिएफसि फाइनान्सले २० करोड रुपैयाँ बराबरको ऋणपत्र निष्काशन गर्न रेटिङ्ग गराएको छ । कम्पनीले गराएको रेटिङ्गमा केयर रेटिङ्ग नेपालले मध्यम सुरक्षा जनाउने केयर एनपी बीबीबी (ट्रिपल बी माइनस) रेटिङ्ग प्रदान गरेको छ ।
कम्पनीले प्रतिकित्ता १ हजार रुपैयाँ अंकित दरमा २० करोड रुपैयाँ बराबरको कूल २ लाख कित्ता ऋणपत्र निष्कासन गर्न लागेको हो ।
ऋणपत्र निष्कासनको लागि कम्पनीले धितोपत्र बोर्डमा भने आवेदन दिएको छैन। बोर्डबाट अनुमति पाएपछि मात्र ऋणपत्र निष्काशनको काम अघि बढ्नेछ ।
बोर्डको अनुमति पश्चात कम्पनीले सात वर्ष अवधिका लागि वार्षिक १२ प्रतिशत ब्याजदरमा २० करोड रुपैयाँ बराबरको ऋणपत्र निष्काशन गर्ने छ ।
