काठमाडौं । समता लघुवित्त वित्तीय संस्थाले ३१ दशमलव ५८ प्रतिशत लाभांश दिने घोषणा गरेको छ । कम्पनीको बिहीबार बसेको सञ्चालक समिति बैठकले उक्त लाभाश दिने निर्णय गरेको हो ।
लघुवित्तले आर्थिक वर्ष २०७५/७६ को नाफाबाट १५ प्रतिशत बोनस र १६ दशमलव ५ प्रतिशत नगद गरी कुल ३१ दशमलव ५८ प्रतिशत लाभांश दिने निर्णय गरेको हो ।
कम्पनीले ९१ लाख ८०० रुपैयाँ बराबरको बोनस वितरण गर्नेछ । १ करोड ९१ लाख ५९ हजार ५७९ रुपैयाँ नगद बाँड्ने प्रस्ताव गरेको जनाएको छ ।
सञ्चालक समितिको निर्णय अनुमोदनका लागि नेपाल राष्ट्र बैंक र आगामी वार्षिक साधारण सभामा पेश गरिने जनाएको छ । अघिल्लो वर्ष समताले ६ दशमलव ६६ प्रतिशत बोनस सेयर र ७ दशमलव ३६ प्रतिशत नगद गरी कुल १४ दशमलव ०२ प्रतिशत लाभांश दिएको थियो ।
