काठमाडौं । बीमा समितिको नेत्तृत्वमा बीमा समितिका कर्मचारी तथा विभिन्न बीमा कम्पनीका कर्मचारीहरुले भव्यताका साथ सविधान दिवसको खुशीयाली मनाएका छन् । पाँचौ सविधान दिवसको अवसरमा शुक्रबार सैनिक मञ्च टुँडिखेलमा आयोजित कार्यक्रममा बीमा सम्बद्ध कम्पनीहरुले उत्साहजनक सहभागिता जनाउँदै खुशीयाली मनाएका हुन् ।
सैनिक मञ्च टुँडिखेलमा आयोजित कार्यक्रममा अधिकांश बीमा कम्पनीहरुको उपस्थिती रहेको थियो । अधिकांश बीमा कम्पनीका कर्मचारीहरु आफ्नो अफिसको लोगो भएको र सविधान अंकति टिसर्ट तथा क्याप लगाएर हर्षोल्लासका साथ उपस्थिती भएका थिए ।
बीमा कम्पनीहरु आ आफ्नो कम्पनीलाई चिनाउने लोगो सहितको व्यानर लिएर भद्रकाली मन्दिर परिसरबाट सहिदगेट हुँदै सैनिक मञ्च टुँडिखेलमा प्रवेश गरेका थिए । सैनिक मञ्च टुँडिखेलमा प्रवेश गरेपछि उनीहरुले एक आपसमा खुशी व्यक्त गर्दै बेलुन उडाउने,फोटो खिच्ने गरेका थिए ।
