काठमाडौं । सिटिजन्स लाइफ इन्स्योरेन्सले असोज २९ गते दोस्रो वार्षिक साधारण सभा गर्ने भएको छ । भदौ २४ गते मङगलबार बसेको संचालक समितिको बैंठकको निर्णयले उक्त सभाको मिति तय गरेको हो ।
उक्त सभा होटल हिमालय कुपण्डोल, ललितपुरमा दिउँसो ३ बजे हुने कम्पनीले जनाएको छ । सभामा संचालक समितिको तर्फबाट अध्यक्षले वार्षिक प्रतिवेदन प्रस्तुत गनेृ र पारित गर्ने एजेण्डा रहेको छ ।
त्यस्तै, सभामा कम्पनीले आइपीओ जारी गर्ने मुख्य एजेण्डा सहित प्रस्ताव सभामा पेश गर्नेछ । सञ्चालक समितिको रिक्त एक पदको निर्वाचन गर्ने एजेन्डा पनि रहेको छ ।
सभामा लेखा परिक्षण सहितको आर्थिक वर्ष २०७४ ७५ को वासलात, नाफा नोक्सान, हिसाब तथा आय व्यय र सो सँग सम्बन्धीत अनूसूचि सहितको विवरण स्वीकृत गर्ने छ ।
हाल कम्पनीको चुक्ता पुँजी १ अर्ब ७५ करोड रुपैयाँ छ । कम्पनीले अब ७५ करोड रुपैयाँ बराबरको आइपीओ जारी गर्नुपर्नेछ ।
