काठमाडौं । बीमा समितिले गत आइतबार एक निर्देशन जारी गर्दै बीमा क्षेत्रमा काम गर्ने बीमा अभिकर्ता, बीमा कम्पनीका सर्भेयर, कर्मचारीहरु सबैलाई अनिवार्य रुपमा प्यान नम्बर लिन लगाएर मात्रै कमिशन, तलव तथा बोनस भुक्तानी गर्न निर्देशन दिएको छ ।
नेपाल सरकारले २०७६।७७ को बजेट वक्तव्यमा एक व्यक्ति एक स्थायी नम्बर अनिवार्य गरेसँगै बीमा समतिले पनि बीमा कम्पनीहरुमा आवद्ध सबैलाई स्थायीलेखामा आवद्ध हुन आग्रह गरेको हो ।
समितिका कार्यकारी निर्देशक राजु रमण पौडेलद्वारा जारी निर्देशनमा आय कर ऐन २०५८ तथा आय कर नियामवली, २०५९ मा स्पष्ट व्यवस्था भए बमोजिम जीवन तथा निर्जिवन र पुनर्बीमा व्यवसाय गर्ने बीमकसँग आवद्ध भएका बीमा अभिकर्ता, बीमा सर्भेयर र कर्मचारीहरु प्यान नम्वर अनिवार्य कार्यान्वनय गर्न भनिएको छ ।
