काठमाडौं । सिभिल बैंकले नेपालमै पहिलोपटक एन्यूटी डिपोजिट निक्षेप योजना संचालनमा ल्याएको छ । यो बचत र मुद्दतिको समायोजन गरी बनाइएको निक्षेप योजना जनाएको छ । ग्राहकले इच्छा गरे अनुसारको रकम सो अवधि पश्चात एकमुष्ठ प्राप्त गर्नेछन् ।
एन्यूटी डिपोजिट योजना भनेको भविष्यमा आफुलाई चाहिने रकम व्यवस्थापन गर्न बचतकर्ताले निश्चित अवधि तोकी समान मासिक किस्ता बैंकलाई भुक्तानी गर्नुपर्ने बैंकले जनाएको छ ।
सिभिल एन्यूटी डिपोजिट अन्तर्गत खोलिएको खाताको ब्याजदर खाताको अवधिभर स्थिर रहनेछ । न्यूनतम मौज्दात १ हजार रुपैयाँबाटै सुरु गर्न मिल्ने यस योजना व्यक्तिगत तथा संस्थागत निक्षेपकर्ता दुवैले सञ्चालन गर्न मिल्ने निक्षेप योजना हो ।
सिभिल एन्यूटी डिपोजिटबाट बचतकर्ताले आवश्यक मासिक रकम बचत गरी योजनाको अन्तमा साँवा तथा ब्यााजको एकमुष्ठ रकमको लाभ पाउन सक्नेछन् ।
१ वर्षदेखि ७ वर्ष सम्मको अवधिमा आफ्नो मासिक आम्दानीबाट बचत गर्न सक्ने रकमलाई थोरै(थोरै जम्मा गरी भविष्यको योजना साकार पार्न यस निक्षेप योजनाले सघाउँछ । ग्राहकहरुको इच्छा अनुसार यो खाता एक भन्दा बढी खोल्न पाइनेछ ।
बैंकको ९६ शाखा कार्यलयहरुबाट यस योजना लिन सकिने बैंकले जनाएको छ ।
