काठमाडौं । सिद्धार्थ बैंकले निष्काशन गर्न लागेको ऋणपत्रमा फेरी म्याद थप गरेको छ । बैंकले भदौ ५ गतेदेखि सार्वजनिक निष्कासनमार्फत सर्वसाधारणलाई विक्रिमा ल्याएको सिद्धार्थ बैंकको ऋणपत्रमा माग अनुसारको आवेदन नपरेपछि आवेदन दिने समयावधि थप गरेको हो ।
बैंकको ऋणपत्रमा आवेदन दिने छिटो अवधि भदौ ९ गते (आज) सम्म रहेपनि ऋणपत्रमा पूर्ण आवेदन नपरेपछि समयावधि लम्ब्याएर भदौ १५ गतेसम्म बनाइएको हो ।
सात वर्षे अवधिको यो ऋणपत्रमा आवेदन दिने ढिलो अवधि असोज ५ गतेसम्म रहेको छ । प्रति ऋणपत्रमूल्य रू. १००० तोकिएको छ । ऋणपत्र खरीदका लागि न्यूनतम २५ कित्तादेखि अधिकतमा १० लाख कित्तासम्म सम्पूर्ण कित्ताको लागि आवेदन दिन सकिनेछ ।
बैंकले १० दशमलव २५ प्रतिशत ब्याजदरमा २०८३ सालसम्मका लागि २५ लाख कित्ता ऋणपत्र जारी गरेकोमा १० लाख कित्ता सर्वसाधारणका लागि र १५ लाख कित्ता व्यक्तिगत संघ संस्थाका लागि निष्कासन गरेको हो ।
विक्री प्रबन्धक एनएमबि क्यापिटल लिमिटेड रहेको छ । आवेदकले नेपाल धितोपत्र बार्डबाट स्वीकृति पाएका सि ( आस्बा सेवामा सहभागि बैंक तथा वित्तीय संस्थाहरुबाट आवेदन दिन सक्नेछन् ।