काठमाडौं । कुमारी बैंकले आफ्नो आर्थिक वर्ष २०७५\७६ को चौथो त्रैमासको वित्तीय विवरण प्रकाशन गरेको छ । गत आर्थिक वर्षको १२ महिनाको अवधिसम्म बैंकले १ अर्ब ३३ करोड ४० लाख रुपैया खुद नाफा कमाउन सफल भएको छ । गत आर्थिक वर्षको सोही अवधिको तुलनामा बैंकको नाफा २८ दशमलव ०४ प्रतिशतले बढी हो । गत आर्थिक वर्षको सोही अवधिमा बैंकले १ अर्ब ४ करोड १८ लाख रुपैयाँ खुद नाफा कमाएको थियो ।
बैंंकले गत आर्थिक वर्षको चौथो त्रैमाससम्ममा खुद ब्याज आम्दानी ४८ दशमलव ५५ प्रतिशतले बढाएर ३ अर्ब १ करोड ९४ लाख रुपैयाँ पुर्याएको छ । वितरणयोग्य नाफा ९६अर्ब ७० करोड रुपैयाँ रहेको छ । संचालन नाफा अर्ब ९२ करोड ४७ लाख रुपैयाँ पुगेको छ ।
८ अर्ब ६८ करोड रुपैयाँ चुक्ता पूँजी भएको बैंकले रिजर्भ पनि १९ दशमलव ७७ प्रतिशतले बढाएर २ अर्ब १४ करोड ९७ लाख रुपैयाँ जम्मा गरेको छ । आर्थिक वर्ष २०७५\ ७६ को चौथो त्रैमाससम्ममा बैंकले ७३ अर्ब २० करोड रुपैयाँ निक्षेप संकलन गरी ७३ अर्ब १२ करोड रुपैयाँ कर्जा प्रवाह गरेको छ ।गत आर्थिक वर्षको सोही अवधिको तुलनामा बैंकको निक्षेप संकलनमा २२ प्रतिशतले बढी हो भने कर्जा लगानीका २० प्रतिशतले बढी हो ।
त्यस्तै बैंकको मूल्य आम्दानी अनुपात १४.३२ गुणा, प्रति शेयर आम्दानी १५ रुपैयाँ ३६ रुपैयाँ, आधार ब्याजदर १० दशमलव ८२ प्रतिशत,सीसीडि अनुपात ७८ दशमदव ३२ प्रतिशत र बैंकको खराब कर्जा ० दशमलव ९७ प्रतिशत रहेको छ ।
