चौतारी लघुवित्त वित्तीय संस्थाको शाखा कार्यालय बतासे शाखाले मृतक सदस्यको परिवारलाई बीमा दाबी वापतको रकम दिएको छ । लघुवित्तले मृतकको परिवारलाई दाबी बीमा वापतको रकम र काजक्रिया वापतको रकम प्रदान गरेको हो ।
लघुवित्तले रैनादेवी गाउँपालिका ५ मुझुङका सदस्य उजेली दमाईको मृत्यु वापत उनका श्रीमान जुद्धबहादुर दमाइलार्ई नगद ७५ हजार र सदस्य सुकमाया सार्कीको श्रीमानको मृत्यु भएकोमा सुकमाया सार्कीलाई १२ हजार रुपैयाँ रकम प्रदान गरेको हो ।
५९ वार्षिय उजेली दमाईको मृत्युले शोकाकुल बनेका उनका श्रीमान दमाई र केन्द्र नंं.०२८ स्वालम्वी चौतारी महिला विकास केन्द्रका सम्पुर्ण सदस्यको र केन्द्र सँचालिका सम्झना कुवँर,शाखा प्रबन्धक बसन्ती खत्रीको सहितको उपस्थस्तीमा अनुगमन अधिकृत कृष्ण बहादुर चौधरीले ग्राहक सदस्यकै घरमा पुगी सो रकम प्रदान गरेका हुन ।
उक्त रकम बुझदै निजका श्रीमान जुद्धबहादुर दमाइले.आफुले दुःखमा पाएको सो रकमले आफुलाई राहत र सहानुभुति महसुस भएको बताए । ‘उनले भने हामीलाई दुःख परेको बेलामा पैसा भन्दापनि सँस्थाले गरेको सहयोग तथा सहानुभुति नै ठुलो हुने रहेछ , यसरी यो चौतारी लघुवित्त बित्तीय सँस्थाले घरमै आएर दिएको सहानुभुतिले प्रेरणा मिलेको छ ।’
हालसम्म लघुवित्तले १५ वटा जिल्लाका ५७ शाखा कार्यालय मार्फत करिब ४१ हजार २ सय सदस्यहरुलाई वित्तीय सेवा उपलब्ध गराउदै आएको छ । सँस्थाको हाल सम्म करीब १ अर्ब ५८ करोड कर्जा लगानी रहेको र सदस्यहरुबाट ४८ करोड ३९ लाखनिक्षेप सँकलन गरेको छ ।
