नेपाल राष्ट्र बैंकले आफ्नो नाममा रहेको आरएमडीसी लघुवित्त वित्तीय संस्थामा रहको सेयर लिलामी प्रक्रियाबाट बिक्री गर्ने भएको छ । राष्ट्र बैंकले आफ्नो स्वामित्वमा रहेको आरएमडीसीको ३ लाख २३ हजार ५ सय २५ हजार कित्ता संस्थापक सेयर शुक्रबार (असार १३ गते) देखि लिलामीमा ल्याएको हो ।
उक्त लिलामी शेयरमा साउन १६ गतेसम्म आवेदन दिन सकिनेछ । सेयरको न्यूनतम मूल्य प्रतिकित्ता २ सय ६१ रुपैयाँ तोकिएको छ । लगानीकर्ताले सोही मूल्यलाई आधार मानेर बोलकबोल गर्नुपर्नेछ । सेयर खरिद गर्न इच्छुक संस्थापक सेयरधनीले राष्ट्र बैंक, वित्त व्यवस्थापन विभाग, बालुवाटार काठमाडौं पुग्नेगरी बोलपत्र पेश गर्नुपर्नेछ ।
लिलामीको बोलपत्र साउन १९ गत बिहान ११ बजे खोलिने राष्ट्र बैंकले जानकारी गराएको छ । राष्ट्र बैंकले आफूले नियमन गर्ने संस्थाको सेयर बेच्नुपर्ने नियम अनुसार आरएमडीसीको सेयर लिलामी गर्न लागेको हो ।
लगानीकर्ताले आवेदन फारममा आफूले लिन चाहेको सेयर कित्ताको दररेट स्पष्टसँग उल्लेख गर्नुपर्नेछ ।
