सनराइज बैंकले काठमाडौंको मुलपानीमा नयाँ शाखा संचालनमा ल्याएको छ । उक्त शाखा कागेश्वरी मनोहरा नगरपालिकाका मेयर कृष्णहरि थापा र सनराइज बैंकका संचालक समितिका सदस्य बच्छराज तातेडले संयुक्त रुपमा उद्घाटन गरे ।
हालसम्म बैंकले १ सय ७ वटा शाखा, ३३ वटा शाखारहित बैंकिङ्ग सेवा, ४ वटा एक्सटेन्सन काउण्टर र १ सय २२ वटा एटिएम मार्फत आफ्ना ५ लाखभन्दा बढी ग्राहकहरुलाई बैंकिङ सेवा प्रदान गर्दै आइरहेको छ । साथै बैंकले आफ्ना सेवाहरु विस्तार गर्ने क्रममा नेपालका अन्य स्थानहरुमा पनि थप शाखाहरु संचालन गर्ने योजना रहेको छ ।
