नेपाल इन्भेस्टर्स फोरमले भोली सनिबार (फाल्गुन १२ गते) काठमाडौँको कमलादीमा नेपालको वर्तमान पुंजी बजार र फाल्गुन ११, बाट लागु गरिएको सी-आश्वासको अनिवार्य कार्यान्वयनको बिषयमा बिस्तृत जानकारी गराउने उदेश्यले एक दिने कार्यसाला गोष्टी योजना गरेको छ । बिहान ११ बजे बाट सुरु हुने सो कार्यक्रम बेलुका ५ बजेसम्म संचालन हुने जानकारी फोरमका अधक्ष्य अम्बिका पौडेलले जानकारी दिनु भयो । २५० जनाको सहभागिता रहने लक्ष्य सहित संचालन हुन लागेको सो कार्यक्रममा नेपाल धितोपत्र बोड, सीडीएस एण्ड क्लियरिङ हाउस लिमिटेड, नेपाल स्टक एक्सचेन्ज लिमिटेड (नेप्से) का बिज्ञहरुको सहभागिता रहने छ।
नि:सुल्क रुपमा योजना गरीएको यो कार्यक्रमले सर्बसाधारणलाई वर्तमान पुंजी बजारको वर्तमान अवस्था र भबिस्यबारे जानकारी लिन फलदायी हुने बिश्वाश आयोजकले गरेका छन । सर्बसाधारणहरुले पनि फोरमको यो कार्यको सराहना गर्दै राजधानी बाहिर पनि यी र येस्तै कार्यक्रमको आशा राखेको बताएका छन् ।
‘पुजी बजारमा सरोकार राख्ने लगानीकर्ताको हितको लागि भनेर खुलेका संस्थाले राजनीति मात्र गर्नुको सट्टा समय-समयमा यस्ता कार्यक्रमको योजना राजधानी र राजधानी बाहिर पनि गरिनु पर्ने’ धारणा शेयर लगानीकर्ता तथा क्यापिटल प्लसका अधक्ष्य-कमल पौडेलले बताउनु हुन्छ । नेपाल इन्भेस्टर्स फोरम अधक्ष्य अम्बिका पौडेलले राजधानी बाहिर पनि भबिस्यमा यस्ता कार्यक्रमको निरन्तरता दिने जानकारी दिनु भएको छ ।
