IME Life New

पाँच दिनमै एनभिडियाले गुमायो पाकिस्तानको जीडीपीभन्दा दोब्बर रकम, झर्यो मूल्यवानको कम्पनी सूचीको चौथो स्थानमा

SPIL
Nepal Life

समाचार सुन्नुहोस्

काठमाडौं । अमेरिकी एआई चिप निर्माता एनभिडियाको शेयर गत साता तीव्र रुपमा घट्यो। कम्पनीको शेयर पाँच कारोबार दिनमा २३% ले घट्यो। जुन अक्टोबर २००८ पछिको सबैभन्दा ठूलो साप्ताहिक गिरावट हो।

यसले गर्दा कम्पनीको बजार पुँजीकरणमा ९०५ अर्ब डलरको गिरावट आएको छ। यो पाकिस्तानको जीडीपीको आकारभन्दा दोब्बर हो। हाल पाकिस्तानको लगभग ४५० अर्ब डलरको जीडीपी रहेको छ।

Esewa
Crest

एनभिडियाको शेयर अक्टोबर ६ को उच्चतम स्तरबाट ४५ प्रतिशतले घटेको छ। सले यसको बजार पुँजीकरण २.८८ ट्रिलियन डलरले घटाएको छ। कम्पनीले ३३ व्यापारिक सत्रहरुमा दैनिक लगभग ८५ अर्ब डलर गुमाएको छ।

शेयरभाउमा निरन्तर गिरावटपछि एनभिडिया विश्वको सबैभन्दा मूल्यवान कम्पनीहरुको सूचीमा चौथो स्थानमा झरेको छ। हाल कम्पनीको बजार पुँजीकरण ३.०३१ ट्रिलियनमा झरेको छ। केही दिनअघि एनभिडिया शीर्षमा थियो र ५ ट्रिलियन डलरको बजार पुँजीकरण पुग्ने विश्वको पहिलो कम्पनी बन्यो।

हाल आईफोन निर्माता एप्पल ४.९७८ ट्रिलियन डलरका साथ शीर्षमा छ। माइक्रोसफ्ट (३.५९८ ट्रिलियन डलर) दोस्रो छ र अल्फाबेट (३.२४५ ट्रिलियन डलर) तेस्रो स्थानमा छन्।

धेरै महिलासँगको सम्बन्धको आरोप लागेपछि कम्पनीका संस्थापक जेन्सन हुआङले सीईओ पदबाट राजीनामा दिए। अब उनको फिर्तीका लागि आह्वानहरु गति लिइरहेका छन्।

राष्ट्रपति डोनाल्ड ट्रम्प आफैँले उनको पक्षमा वकालत गरेका छन्। ट्रम्पले भने कि जेन्सन हुआङले माफी माग्नुपर्छ र सीईओका रुपमा फर्किनुपर्छ। उनले यो पनि भने कि यदि कम्पनीको बोर्ड स्मार्ट छ भने बोर्डले हुआङलाई सीईओका रुपमा पुनस्र्थापित गर्नेछ। –एजेन्सी

 

प्रतिक्रिया दिनुहोस्

यो खबर पढेर तपाईंलाई कस्तो महसुस भयो ?

0%
happy

खुसी

0%
sad

दु :खी

0%
amazed

अचम्मित

0%
excited

उत्साहित

0%
angry

आक्रोशित

LICn

सम्बन्धित समाचार

Insurance Khabar Mobile App Android and IOS