IME Life New

बैंकहरुको १८% ले बढ्यो शेयर धितो कर्जा प्रवाह, कुन रेन्जको कति ?

SPIL
Nepal Life

समाचार सुन्नुहोस्

काठमाडौं । चालु आर्थिक वर्ष २०८३।८४ को प्रथम त्रैमास (साउन–असोज)सम्म बैंकहरुबाट प्रवाह हुने शेयर धितो कर्जा १८ प्रतिशत बढीले बढेको छ।

नेपाल राष्ट्र बैंकले सार्वजनिक गरेको तथ्यांकअनुसार चालु आर्थिक वर्षको असोजसम्म बैंकहरुबाट १ खर्ब ७१ अर्ब ३७ करोड ६६ लाख रुपैयाँ शेयर धितो कर्जा गएको छ। अघिल्लो आर्थिक वर्ष २०८२।८३ को असोजसम्म बैंकहरुबाट १ खर्ब ४४ अर्ब ९५ करोड रुपैयाँ कर्जा गएको थियो। यो हिसाबले अघिल्लो वर्षको तुलनामा समीक्षा वर्षमा बैंकहरुबाट शेयर धितो कर्जा १८.२३ प्रतिशतले बढेको छ।

Esewa
Crest

चालु आर्थिक वर्षको असोजसम्म बैंकहरुबाट १ करोड रुपैयाँ माथिको रेन्जको कर्जा १ खर्ब २० अर्ब ६१ करोड ३ लाख रुपैयाँ शेयर धितो कर्जा गएको छ। अघिल्लो वर्ष असोजसम्म यो रेन्जको कर्जा १ खर्ब ९८ करोड ५८ लाख रुपैयाँ गएको थियो। यो रेन्जको कर्जाको माग १९.४४ प्रतिशतले बढेको छ।

समीक्षा अवधिसम्म बैंकहरुबाट ५० लाख रुपैयाँ माथि १ करोड रुपैयाँसम्मको रेन्जको कर्जा २३ अर्ब ६७ करोड ७० लाख रुपैयाँ, २५ लाख रुपैयाँदेखि ५० लाख रुपैयाँसम्मको रेन्जको कर्जा १८ अर्ब ७५ करोड ७५ लाख रुपैयाँ र २५ लाख रुपैयाँसम्मको रेन्जको कर्जा ८ अर्ब ३३ करोड १९ लाख रुपैयाँ गएको छ। अघिल्लो वर्ष असोजसम्म बैंकहरुबाट ५० लाख रुपैयाँ माथि १ करोड रुपैयाँसम्मको रेन्जको कर्जा १७ अर्ब ७० करोड ९८ लाख रुपैयाँ, २५ लाख रुपैयाँदेखि ५० लाख रुपैयाँसम्मको रेन्जको कर्जा १७ अर्ब ८२ करोड ३७ लाख रुपैयाँ र २५ लाख रुपैयाँसम्मको रेन्जको कर्जा ८ अर्ब ४३ करोड ८ लाख रुपैयाँ गएको थियो।

अघिल्लो वर्षको तुलनामा समीक्षा अवधिमा ५० लाख रुपैयाँ माथि १ करोड रुपैयाँसम्मको रेन्जको कर्जा ३३.७० प्रतिशत र २५ लाख रुपैयाँदेखि ५० लाख रुपैयाँसम्मको रेन्जको कर्जा ५.२४ प्रतिशतले बढेको छ भने २५ लाख रुपैयाँसम्मको रेन्जको कर्जा भने १.१७ प्रतिशतले घटेको छ।

प्रतिक्रिया दिनुहोस्

यो खबर पढेर तपाईंलाई कस्तो महसुस भयो ?

0%
happy

खुसी

0%
sad

दु :खी

0%
amazed

अचम्मित

0%
excited

उत्साहित

0%
angry

आक्रोशित

LICn

सम्बन्धित समाचार

Insurance Khabar Mobile App Android and IOS