काठमाडौं । राष्ट्रिय बीमा कम्पनीले चालु आर्थिक वर्ष २०८३।८४ को प्रथम त्रैमास (साउन–असोज)सम्मको अपरिष्कृत वित्तीय विवरण सार्वजनिक गरेको छ।
वित्तीय विवरणअनुसार कम्पनीले चालु आर्थिक वर्षको असोजसम्म २८ करोड ३० लाख रुपैयाँ नाफा आर्जन गरेको छ। अघिल्लो आर्थिक वर्ष २०८२।८३ को यही अवधिसम्म कम्पनीले ९ करोड ९५ लाख रुपैयाँ नोक्सानी व्यहोरेको थियो।
चुक्तापुँजी २६ करोड ६६ लाख रुपैयाँ रहेको कम्पनीको समीक्षा अवधिसम्म स्पेसल रिर्जभमा ३ अर्ब ४६ करोड ७२ लाख रुपैयाँ, महाविपत्ति कोषमा ७२ करोड ३६ लाख रुपैयाँ, रिटेन्ड अर्निङमा २ अर्ब ७१ करोड २५ लाख रुपैयाँ र अन्य इक्विटीमा १० अर्ब ५१ करोड ७९ लाख रुपैयाँ रहेको छ। अघिल्लो वर्ष असार मसान्तसम्म कम्पनीको स्पेसल रिर्जभमा ३ अर्ब ३२ करोड ५७ लाख रुपैयाँ, महाविपत्ति कोषमा ७० करोड ९४ लाख रुपैयाँ, रिटेन्ड अर्निङमा २ अर्ब ५९ करोड ५५ लाख रुपैयाँ र अन्य इक्विटीमा १० अर्ब १५ करोड ५७ लाख रुपैयाँ रहेको थियो।
समीक्षा अवधिसम्म कम्पनीको बीमा कोषमा ३ अर्ब ३८ करोड ७९ लाख रुपैयाँ रहेको छ। अघिल्लो वर्ष यही अवधिसम्म बीमा कोषमा ३ अर्ब ३४ करोड ६४ लाख रुपैयाँ थियो। बीमा कोषको आकार १.२४ प्रतिशतले बढेको छ।
समीक्षा अवधिसम्म कम्पनीले २६ करोड १३ लाख रुपैयाँ कुल बीमाशुल्क आर्जन गरेको छ। अघिल्लो वर्षको यसै अवधिमा कम्पनीले २२ करोड ४१ लाख रुपैयाँ कुल बीमाशुल्क संकलन गरेको थियो। अघिल्लो वर्षको तुलनामा कम्पनीको कुल बीमाशुल्क १६.६० प्रतिशतले बढेको छ।
चालु वर्षको असोजसम्म कम्पनीले ३ करोड ४३ लाख रुपैयाँ खुद बीमा शुल्क संकलन गरेको छ। अघिल्लो वर्षको यही अवधिसम्म कम्पनीले ३ करोड ८० लाख रुपैयाँ खुद बीमा शुल्क संकलन गरेको थियो। अघिल्लो वर्षको तुलनामा कम्पनीको खुद बीमाशुल्क आर्जन ९.७० प्रतिशतले घटेको छ।
चालु आर्थिक वर्षको असोजसम्म कम्पनीको वार्षिकीकृत प्रतिशेयर आम्दानी (ईपीएस) बढेर १०६.१४ रुपैयाँ कायम भएको छ। अघिल्लो वर्ष पनि ईपीएस ३७.३२ रुपैयाँले ऋणात्मक थियोे। कम्पनीको प्रतिशेयर नेटवर्थ ६ हजार ६४५ रुपैयाँ रहेको छ।












