काठमाडौं । सरकारी कार्यालय खुलने समय भोलि कात्तिक १६ गतेदेखि परिवर्तन हुने भएको छ।
सरकारले जाडोयामको समयतालिकाअनुसार सरकारी कार्यालयको समय बिहान ९ बजेदेखि अपराह्न ४ बजेसम्म कायम गरेको हो। नेपाल राजपत्रमा प्रकाशित गृह मन्त्रालयको सूचनाअनुसार कात्तिक १६ गतेदेखि माघ १५ गतेसम्म सरकारी कार्यालय, सार्वजनिक निकाय तथा सामुदायिक विद्यालय समय बिहान ९ बजेदेखि अपराह्न ४ बजेसम्म खुल्नेछन्।
यसअघि बिहान ९ बजेदेखि अपराह्न ५ बजेसम्म कार्यालय समय कायम थियो।
सरकारी कार्यालयहरु शनिबार र आइतबार सार्वजनिक बिदाका कारण बन्द रहनेछन् भने सोमबारदेखि शुक्रबारसम्म सञ्चालन हुनेछन्।
