काठमाडौं । हिमालयन डिस्टिलरीले आफ्ना शेयरधनीलाई पछिल्लो ५ वर्षको अवधिमा कुल २४० प्रतिशत लाभांश वितरण गरेको छ। जसबाट कम्पनीको वार्षिक औसत लाभांश दर नै ४८ प्रतिशत कायम भएको छ।
कम्पनीले विगत ५ आर्थिक वर्षमा कुल १८० प्रतिशत बोनस शेयर र ६० प्रतिशत नगद लाभांश गरी जम्मा २४० प्रतिशत प्रतिफल दिएको हो। जसको वार्षिक औसत ३६ प्रतिशत बोनस र १२ प्रतिशत नगद हुन आउँछ।
यस अवधिमा कम्पनीले आर्थिक वर्ष २०७७।७८ मा सबैभन्दा धेरै कुल १०० प्रतिशत (७५% बोनस र २५% नगद) तथा २०७८।७९ मा ७० प्रतिशत (६०% बोनस र १०% नगद) लाभांश दिएको थियो। त्यस्तै, आर्थिक वर्ष २०७९।८० मा २५ प्रतिशत र २०८०।८१ मा २० प्रतिशत लाभांश बाँडेको कम्पनीले पछिल्लो आर्थिक वर्ष २०८१।८२ का लागि भने लाभांश दर बढाउँदै २५ प्रतिशत (२०% बोनस र ५% नगद) वितरण गरेको थियो।
