काठमाडौं । अरुण भ्याली हाइड्रोपावर डेभलपमेन्ट कम्पनीले आर्थिक वर्ष २०८२।८३ का लागि लाभांश घोषणा गरेको छ।
कम्पनी सञ्चालक समितिको आइतबर बसेको बैठकले उक्त आर्थिक वर्षको मुनाफा र सञ्चित मुनाफाबाट हाल कायम चुक्तापुँजी ४ अर्ब ४ करोड ४ लाख ३ हजार १५० रुपैयाँ कुल ५.२६३ प्रतिशत लाभांश वितरण गर्ने निर्णय गरेको हो। जसमा ५ प्रतिशत बोनस शेयर र कर प्रयोजनार्थ ०.२६३ प्रतिशत नगद लाभांश छन्।
यो लाभांश पारित गर्न कम्पनीले आउँदो असोज २७ गते २९ औँ वार्षिक साधारणसभा आयोजना गर्ने निर्णय पनि गरेको छ। लाभांश र सभा प्रयोजनार्थ कम्पनीले असोज १३ गते बुक क्लोज गर्ने निर्णय गरेको छ। यसको अर्थ असोज १२ गतेसम्म कायम शेयरधनीहरुमात्र यो कम्पनीको लाभांश पाउन र सभा भाग लिन योगय हुनेछन्।
