काठमाडौं । इन्स्योरेन्स रेगुलेटरी म्यानेजमेन्ट इन्फर्मेशन सिस्टम सर्भेयर रिपोर्टिङ पोर्टलमा गम्भीर प्राविधिक र सुरक्षा कमजोरी भेटिएपछि नेपाल बीमा प्राधिकरणले पोर्टलमा यो लिंक हटाएको छ।
इजाजतपत्र प्राप्त बीमा सर्भेयर अर्थात् सर्वेक्षकहरूले आफ्नो कार्य सम्पादन विवरण प्रविष्ट गर्ने यो अनलाइन प्रणालीमा पहिचान प्रमाणीकरण (Authentication) को अभाव देखिएकाले केन्द्रीय सूचना प्रणालीले ह्याकरको कब्जामा पर्न सक्ने जोखिम रहेको समाचार इन्स्योरेन्स खबरले बिहीबार प्रकाशन गरेको थियो।
इन्स्योरेन्स खबरले प्राविधिक त्रुटी औँल्याएपछि प्राधिकरण व्यवस्थापनको निर्देशनमा सूचना प्रविधि शाखाले शुक्रबारदेखि यो लिंक नै हटाइ दिएको छ।
