काठमाडौं । विन्ध्यावसिनी हाइड्रोपावर डेभलपमेन्ट कम्पनीको करिब पौने ९७ लाख कित्ता शेयरको लइकन सकिने भएको छ।
कम्पनीको संस्थापक, कर्मचारी र आयोजना प्रभावित स्थानीयको गरी कुल ९६ लाख ७१ हजार ८८ कित्ता शेयरको लइकन आउँदो असार २ गतेबाट सकिने भएको हो। जसमा संस्थापकको ८४ लाख ७३ हजार ५०० कित्ता, कर्मचारीको ६७ हजार ७८८ कित्ता र आयोजना प्रभावित स्थानीयको ११ लाख २९ हजार ८०० कित्ता रहेको छ।
धितोपत्र बोर्डमा विन्ध्यावासिनी हाइड्रोपावरको कुल १ करोड १२ लाख ९८ हजार कित्ता शेयर दर्ता रहेको छ। कुनै पनि कम्पनीको सर्वसाधारण जारी आइपीओ बाँडफाँट गरिएको मितिबाट ३ वर्षसम्म लकइनमा राख्नुपर्नेछ प्रावधान रहेको छ।
कम्पनीका सञ्चालक तथा कम्पनीको उच्च व्यवस्थापकीय पदमा कार्यकारी कर्मचारीको हकमा भने नियमअनुसार शेयर रोक्का रहने कम्पनीले स्पष्ट पारेको छ।
