काठमाडौं । छ्याङ्दी हाइड्रोपावरको हकप्रद शेयर निष्कासन प्रयोजनार्थ बुक क्लोजको मिति तय गरेको छ।
कम्पनीले आउँदो जेठ २ गते बुक क्लोज गर्ने निर्णय गरेको हो। यसको अर्थ जेठ १ गतेसम्म कायम शेयरधनीले यो कम्पनीको हकप्रद शेयर भर्न पाउनेछन्।
कम्पनीले हाल कायम चुक्तापुँजी ३८ करोड ६९ लाख ७७ हजार ५०० रुपैयाँबराबरको १ः१ अनुपातमा अर्थात १०० प्रतिशत हकप्रद शेयर निष्कासन गर्न नेपाल धितोपत्र बोर्डबाट अनुमति पाएको छ। अब कम्पनीले १०० रुपैयाँ अंकित दरका कुल ३८ लाख ६९ हजार ७७५ कित्ता हकप्रद शेयर आफ्ना शेयरधनीहरुलाई जारी गर्नेछ।
हकप्रद बिक्रीपछि छ्याङ्दी हाइड्रोपावरको चुक्तापुँजी ७७ करोड ३९ लाख ५५ हजार रुपैयाँ पुग्नेछ। यो कम्पनीको हकप्रद बिक्री प्रबन्धकमा ग्लोबल आइएमई क्यापिटल रहेको छ।
