काठमाडौं । लाइफ इन्स्योरेन्स कर्पोरेशन (नेपाल) लिमिटेडको प्रमुख कार्यकारी अधिकृत (सिइओ)मा प्रणय कुमार नियुक्त भएका छन् । कम्पनीको संचालक समितिको निर्णयअनुसार बीमकको संस्थागत सुशासन सम्बन्धी निर्देशिका २०७५ को दफा २८ बमोजिम नेपाल बीमा प्राधिकरणबाट बैशाख ६ गते स्वीकृति प्राप्त भई कम्पनीले उनलाई सिइओमा नियुक्त गरेको जनाएको छ ।
वर्तमान् प्रमुख कार्यकारी अधिकृत एलपि दासको कार्यकाल पुरा भएसँगै प्रणय कुमारलाई आगामी तीन वर्षे कार्यकालका लागी नियुक्त गरेको हो । प्रणय कुमार एलआइसी इण्डियाको नागपुर डिभिजनमा सिनियर डिभिजनल म्यानेजर (वरिष्ठ विभागीय प्रबन्धक) रहेका थिए ।
