जनसेवी र स्वाभिमान लघुवित्त वित्तीय संस्थाले वैशाख २७ गते देखि सर्वसाधारणका लागि आइपीओ निष्कासन गर्ने भएका छन् । साधारण सेयर जारी गर्न दुबै कम्पनीले बिहीबार आह्वानपत्र जारी गरेको छ ।
जनसेवी लघुवित्तले एक सय रुपैयाँ अंकित मुल्यमा कुल चार करोड ६३ लाख ३० हजार रुपैयाँको चार लाख ६३ हजार ३ सय कित्ता आइपीओ विक्री गर्ने भएको छ भने , लगानीकर्ताले न्यूनतम १० देखि अधिकतम एक हजार कित्तासम्म आवेदन दिन पाउने भएका छन् । कम्पनीको आइपीओ निष्कासन तथा बिक्री प्रबन्धकमा एनएमबि क्यापिटल रहेको छ ।
लघुवित्तले निष्कासन गर्न लागेको कुल आइपीओ मध्ये २३ हजार एक सय ६५ कित्ता सामुहिक लगानीकोषहरुका लागि र सात हजार एक सय ४५ कित्ता कर्मचारीका लागि छुट्टाएको छ भने बाँकी चार लाख ३२ हजार नौं सय ९० कित्ता सेयर सर्वसाधारणमा निष्कासन हुने भएको छ ।
यसैगरि स्वाभिमान लघुवित्तले पनि वैशाख २७ गते देखि नैे १ लाख ९८ हजार छ सय १० कित्ता आइपीओ निष्काशन गर्न लागेको हो भने, लगानीकर्ताले न्यूनतम १० देखि अधिकतम ५ हजार कित्तासम्म आवेदन दिन पाउने भएको छ ।
संस्थाको कूल निष्कासित आईपिओ मध्ये ३ हजार ९३ कित्ता कम्पनीका कर्मचारीलाई र ९ हजार ९ सय ३० कित्ता सामुहिक लगानी कोषहरुका लागि छुट्टाएको छ भने बाँकी एक लाख ८५ हजार पाँच सय ८७ कित्ता सेयरमा सर्वसाधारणले आवेदन दिन सक्नेछन् ।
कम्पनीको आइपीओ निष्कासन तथा बिक्री प्रबन्धकमा सिद्धार्थ क्यापिटल रहेको छ ।लघुवित्तहरुको आईपिओ खरिद गर्न इच्छुक लगानीकर्ताले मेरो सेयर तथा लगानीको खाता रहेको सि आश्वा अनुमति प्राप्त सम्पूर्ण बैंक तथा वित्तीय संस्थाबाट वैशाख ३१ गतेसम्म आवेदन दिन सक्नेछन्।
