काठमाडौं, वैशाख ३ । युनाईटेड इन्स्योरेन्स कम्पनी नेपालले १ बराबर २.४ को अनुपातमा हकप्रद शेयर निष्कासन गर्ने भएको छ । बीमा समितिको निर्देशन बमोजिक चुक्तापूँजी वृद्धिको प्रक्रियामा रहेको कम्पनीले उक्त अनुपातमा हकप्रद बिक्री गर्ने जनाएको हो ।
कम्पनीको आइतबार बसेको सञ्चालक समितिको बैठकले हालको चुक्तापूँजी ३० करोड २४ लाख रुपैयाँको २४० प्रतिशतले हुन आउने ७२ करोड ५७ लाख ६० करोड रुपैयाँ बराबरको शेयर निष्कासन गर्ने भएको हो । हकप्रद बिक्रीपछि कम्पनीको चुक्ता पुँजी १ अर्ब २ करोड ८१ लाख ६० हजार पुग्नेछ ।
यसअघि पनि युनाइटेडले १०० प्रतिशत हकप्रद बिक्री गर्ने जनाएको थियो । तर बिमा समितिले आर्थिक वर्ष २०७२÷०७३ को वित्तीय विवरण अस्वीकृत गरेपछि १०० प्रतिशत ल्याउने प्रस्ताव स्थगित भएको थियो ।
त्यस बेला बिमा समितिले परिमार्जनसहित पुनः वित्तीय विवरण पेस गर्न युनाइटेडलाई निर्देशन दिएको थियो ।
