सेञ्चुरी कमर्सियल बैंकले ६ दशमलव ५ प्रतिशत लाभांश दिने भएको छ । बैंकको मंगलबार बसेको सञ्चालक समितिको २८२ औँ बैठकको निर्णयले २ प्रतिशत बोनस सेयर र ४ दशमलव ५ प्रतिशत नगद लाभांश गरी कुल ६ दशमलव ५ प्रतितश लाभांश दिने निर्णय गरेको हो ।
बैंकले हाल कायम रहेको चुक्ता पूँजीको ८ अर्ब २५ करोड ४ लाख ६२ हजार ३२९ रुपैयाँमा उक्त लाभांश दिन लागेको हो । प्रस्तावित लाभांश राष्ट्र बैंक र आगामी वार्षिक साधारण सभाबाट पारित भएपछि वितरण हुने बैंकले जनाएको छ ।
