काठमाडौं । हिमालयन बैंकले पोखरा महानगर–६ गौरीघाट लेकसाइडमा विस्तारित काउन्टर सुविधा सुरु गरेको छ । बैंकले आफ्नो ग्राहकहरुको सुविधालाई लक्षित गरी उक्त विस्तारित काउन्टरबाट सार्वजनिक गरेको हो ।
उक्त विस्तारित काउन्टरबाट बिदा बाहेक अन्य दिनमा बिहान १० देखि अपराह्न ३ बजेसम्म ग्राहकले नगद तथा चेकबाट कारोबार गर्न सक्ने बैंकले जनाएको छ । विस्तारित काउन्टरले कुनै पनि व्यक्तिले हिमालयन बैंकमा विभिन्न बैंकिङ कारोबार गर्न सहजीकरण गर्नेछ ।
हाल बैंकले ७१ शखा, विस्तारित काउन्टर ५ र १४६ एटीएमबाट बैंकिङ सुविधा दिँदै आएको छ ।
