काठमाडौँ । गरिमा विकास बैंक लिमिटेडले भदौ १५ गते विशेष साधारण सभा गर्ने भएको छ । बैंकको साउन २१ गते, बिहीबार बसेको सञ्चालक समितिको बैठकले उक्त सभाको मिति तय गरेको हो । सभा बैंकको प्रधान कार्यालय, लाजिम्पाट काठमाडौंमा बिहान १० बजेदेखि शुरु हुने जनाएको छ ।
विशेष साधारण सभामा गरिमा विकास बैंक लिमिटेडले सहारा विकास बैंक लिमिटेडलाई प्राप्ति गर्ने विशेष प्रस्ताव पारित हुनेछ । सभामा सञ्चालक समितिले निर्धारण गरेको १ बराबर १ को अनुपातमा शेयर आदान प्रदान गर्ने प्रस्ताव स्विकृत गरिनेछ ।
सभामा प्राप्ति पछि गरिमा विकास बैंकको चुक्ता पूँजी ३ अर्ब ९४ करोड ८१ लाख ८३ हजार कायम हुने हुँदा सोही बमोजिमको प्रबन्धपत्रमा संशोधन गर्ने प्रस्ताव पनि पेश हुनेछ ।
बैंकले विशेष साधारण सभा प्रयोजनको निमित्त भदौ ९ गतेदेखि शेयरधनी दर्ता पुस्तिका बन्द गर्नेछ । त्यसैले, भदौ ८ गतेसम्म नेप्सेमा कारोबार भई कायम शेयरधनीहरुले मात्र साधारण सभामा भाग लिन पाउनेछन् ।
