काठमाडौं । लुम्बिनी जनरल इन्स्योरेन्सले चालु आर्थिक वर्षको तेस्रो त्रैमाससको वित्तीय विवरण सार्वजनिक गरेको छ ।कम्पनीले यस त्रैमासको अवधिसम्ममा १३ करोड ७७ लाख रुपैयाँ खुद नाफा आर्जन गर्न सफल भएको छ । गत आर्थिक वर्षको सोहि अवधिम कम्पनीले १२ करोड ४ लाख रुपैयाँ खुद नाफा आर्जन गरेको थियो । गत आर्थिक वर्षको तुलनामा कम्पनीले ११ दशमलव ३९ प्रतिशतले वृद्धि गर्न सफल भएको छ।
यस त्रैमासको अवधिमा कम्पनीको खुद बीमाशुल्क पनि २२ दशमलव १३ प्रतिशतले बढेर ५२ करोढ ७१ लाख रुपैयाँ पुगेको छ । गत आर्थिक वर्षको यहि अवधिमा कम्पनीले ४३ करोड १६ लाख रुपैयाँले खुद बीमाशुल्क आर्जन गरेको छ ।
कम्पनीले यस त्रैमासको अवधिमा १ लाख १९ हजार ३ वटा बीमालेख जारी गरी १ अर्ब १ करोड ८४ लाख रुपैयाँ कुल बीमाशुल्क आर्जन गरेको छ ।कम्पनीले समिक्षा अवििधमा ४ हजार ९७० वटा दाबी बापत ७७ करोड २४ लाख रुपैयाँ भुक्तानी गरेको छ । समिक्षा अवधिमा कम्पनीले पुनर्बीमा कमिशन बापत ११ करोड ९२ लाख, लगानी कर्जा तथा अन्यबाट ४ करोड ४५ लाख रुपैयाँ आम्दानी गरेको छ ।
कम्पनीकोे प्रतिशेयर आम्दानी १६ रुपैयाँ ८ पैसा, प्रतिशेयर नेटवर्थ १९५ रुपैयाँ रहेको छ।
