काठमाडौं । फागुन मसान्तसम्ममा एनएमबि ५० को प्रतिइकाई खुद सम्पति मूल्य (न्याभ) १६ रुपैयाँ ३७ पैसा कायम भएको छ । अघिल्लो महिनाको तुलनामा फण्डको न्याभ ३५ पैसाले बढी हो । अघिल्लो महिनामा फण्डको न्याभ १६ रुपैयाँ २ पैसा रहेको थियो । १ महिनाको अवधिमा सूचीकृत कम्पनीको सेयरमा लगानी रकम घटेर १ अर्ब २५ करोड १८ लाख ४९ हजार रुपैयाँमा कायम भएको छ ।
माघ महिनामा सूचीकृत कम्पनीको शेयरमा लगानी १ अर्ब ३४ करोड ७२ लाख ६८ हजार रुपैयाँ थियो । त्यस्तै, यस अवधिमा यो फन्डले ४६ वटा सूचीकृत कम्पनीको शेयरमा लगानी गरेको छ । सबैभन्दा धेरै एनआइसी एसिया बैंकको सेयरमा ५ करोड ८९ लाख २४ हजार रुपैयाँको लगानी रहेको छ ।
