काठमाडौं। नेपाल इन्फ्राष्ट्रक्चर बैंकको शेयरमा दोस्रो दिन पनि सकारात्मक सर्किट लागेको छ। बैंकको शेयरमा अध्याधिक लगानीकर्ताको आकर्षण देखिएको छ। वित्तीय अवस्था खासै राम्रो नभए पनि बैंकको शेयर मूल्यमा भने आकर्षण देखिएको हो।
आइतबारबाट कारोबार खुला भएको बैंकको शेयरमा खरिद चाप उच्च छ। समाचार बनाउदा सम्ममा १२ हजार भन्दा धेरै कित्ताको कारोबार भैसकेको छ। दोस्रो बजारमा सूचिकृत कम्पनी मध्ये सबैभन्दा धेरै शेयरधी भएको यस बैंकको बजार पुँजीकरण र नेप्से सूचकमा उल्लेख्य साथ रहेको छ।
प्राथमिक शेयर खरिद गर्दा अधिकतम ६० कित्तासम्म प्राप्त गरेका लगानीकर्ताले दुई कारोबार दिनमै १८ हजार ६६० रुपैयाँ खुद मुनाफा आर्जन गरिसकेका छन्। बैंकको प्राथमिक शेयर न्युनतम १० कित्तादेखि ६० कित्ता सम्म बाँडफाँड भएको छ। न्युनतम १० कित्ता शेयर प्राप्त गरेकाले पनि दुई कारोबार दिनमै तीन हजार ११० रुपैयाँ आर्जन गरेका छन्।
