काठमाडौं । विजय लघुवित्त वित्तिय संस्था लिमिटेडले चालु आर्थिक वर्षको दोस्रो त्रैमासको वित्तिय विवरण सार्वजनिक गरेको छ । संस्थाले चालु आर्थिक वर्षको दोस्रो त्रैमाससम्म आइपुग्दा ७ करोड २९ लाख १३ हजार रुपैयाँ नाफा आर्जन गर्न सफल भएको छ । गत वर्षको तुलनामा संस्थाको नाफा २८ दशमलव ७४ प्रतिशतले बढी हो । गत आर्थिक वर्षको सोही अवधिमा संस्थाले ५ करोड ६६ लाख ३४ हजार रुपैयाँ मात्र खुद नाफा आर्जन गरेको थियो ।
संस्थाको चुक्ता पुँजी २६ करोड ६५ लाख ९७ हजार रुपैयाँ, जगेडा कोषमा १२ करोड ८५ लाख २३ हजार रूपैयाँ संचिती रहेको छ ।
दोस्रो त्रैमाससम्म आइपुग्दा संस्थाले १५ करोड ५४ लाख ३५ हजार रुपैयाँ खुद व्याज आम्दानी गरेको छ । उक्त आम्दानी गत वर्षको सोही अवधिको तुलनामा २३ प्रतिशतले बढी हो । गत आर्थिक वर्षको सोही अवधिमा संस्थाले १२ करोड ६३ लाख ६१ हजार रुपैयाँ खुद व्याज आम्दानी गरेको थियो ।
दोस्रो त्रैमाससम्म आइपुग्दा संस्थाले ८ करोड ५५ लाख ५८ हजार रूपैयाँ सञ्चालन मुनाफा गरेको छ । उक्त मुनाफा रकम गत वर्षको यसै अवधिमा ६.६६ प्रतिशतले धेरै हो । गत आर्थिक वर्षको यसै अवधिमा संस्थाले ८ करोड २ लाख ११ हजार रूपैयाँ सञ्चालन मुनाफा आर्जन गरेको थियो ।
समिक्षा अवधिमा प्रतिशेयर आम्दानी ५४ रुपैयाँ ७० पैसा र प्रतिशेयर नेटवर्थ १४८ रुपैयाँ २१ पैसा रहेको छ ।
