काठमाडौँ । सूर्योदय लघुवित्त वित्तीय संस्था लिमिटेडले चालु आर्थिक वर्ष २०७७/७८ को दोस्रो त्रैमासको वित्तीय विवरण सार्वजनिक गरेको छ । दोस्रो त्रैमाससम्म आइपुग्दा संस्थाले ४ करोड ६० लाख ७० हजार रुपैयाँ खुद नाफा आर्जन गरेको छ । गत आर्थिक वर्षको सोही अवधिको तुलनामा संस्थाको नाफा ६४ दशमलव ९० प्रतिशतले बढी हो । गत आर्थिक वर्षको सोही अवधिमा संस्थाले २ करोड ७९ लाख ३७ हजार रुपैयाँ खुद नाफा आर्जन गरेको थियो ।
दोस्रो त्रैमाससम्म आइपुग्दा संस्थाले १२ करोड ४ लाख ४९ हजार रुपैयाँ खुद व्याज आम्दानी गरेको छ । गत वर्षको सोही अवधिको तुलनामा संस्थाको खुद ब्याज आम्दानी ६१ दशमलव ६१ प्रतिशतले बढी हो । गत आर्थिक वर्षको सोही अवधिमा संस्थाले ७ करोड ४५ लाख २७ हजार रुपैयाँ खुद व्याज आम्दानी गरेको थियो ।
त्यस्तै, दोस्रो त्रैमाससम्म आइपुग्दा संस्थाको सञ्चालन मुनाफा ३ करोड २ लाख ६८ हजार रुपैयाँ नोक्सानमा छ । गत आर्थिक वर्षको सोही अवधिमा संस्थाले ३ करोड ९२ लाख २१ हजार रूपैयाँ सञ्चालन मुनाफा आर्जन गरेको थियो ।
समिक्षा अवधिमा संस्थाको प्रतिशेयर आम्दानी ४२ रुपैयाँ ८५ पैसा र प्रतिशेयर नेटवर्थ १७५ रुपैयाँ १३ पैसा रहेको छ ।
