काठमाडौं । कृषि विकास बैंकले चालु आर्थिक वर्षको दोस्रो त्रैमाससम्ममा १ अर्ब ३२ करोड १६ लाख रुपैयाँ खुद नाफा आर्जन गर्न सफल भएको छ ।
कृषिको खुद नाफा गत वर्षको यसै अवधिको तुलनामा १६ दशमलव ४४ प्रतिशतले घटेको हो । बैंकको खुद ब्याज आम्दानी र सञ्चालन नाफामा दुवै घटेको छ । जसको कारण खुद नाफा पनि प्रभावित भएको छ।
यस अवधिसम्ममा बैंकको वितरणयोग्य नाफा ८० करोड ९५ लाख ८८ हजार रुपैयाँ छ । प्रतिशेयर आम्दानी पनि ५ रुपैयाँ २८ पैसाले घटेर ४० रुपैयाँ ४ पैसामा सीमित भएको छ भने प्रतिसेयर नेटवर्थ पनि ३५ रुपैयाँ १३ पैसाले घटेको छ ।
