काठमाडौं । चालु आर्थिक वर्षको दोस्रो त्रैमाससम्मको वित्तीय विवरण हेर्दा प्राइम कमर्सियल बैंकको अधिकांश सूचकमा आकर्षक वृद्धि भएको छ । पुस मसान्तसम्ममा बैंकको खुद नाफा ३९ दशमलव ४० प्रतिशत ले बढेर १ अर्ब ८१ करोड ३३ लाख रुपैयाँ पुगेको छ । अघिल्लो वर्ष यसैअवधिमा बैंकले १ अर्ब ३० करोड ७ लाख रुपैयाँ मात्रै नाफा आर्जन गरेको थियो ।
यसअवधिमा बैंकको वितरणयोग्य नाफा ४५ दशमलव ९९ प्रतिशत ले बढेर १ अर्ब २६ करोड ४२ लाख ५२ हजार रुपैयाँ पुगेको छ ।अघिल्लो वर्ष यसको वितरणयोग्य नाफा ८६ करोड ५९ लाख ५८ हजार रुपैयाँ मात्रै थियो । बैंकको खुद ब्याज आम्दानी ३४ दशमलव ६६ प्रतिशत र संचालन नाफा ३९ दशमलव ८८ प्रतिशतले बढेकाले पनि नाफामा समेत सुधार देखिएको छ।
बैंकको प्रतिशेयर आम्दानी २२ रुपैयाँ ५५ पैसा र प्रतिसेयर नेटवर्थ १३९ रुपैयाँ ३३ पैसा छ ।
