काठमाडौं । आज देशभर थप ३ सय २ जना कोरोना संक्रमण पुष्टि भएको छ। योसँगै देशभर कोरोना संक्रमितको कुल संख्या २ लाख ६८ हजार ९ सय ४८ पुगेको स्वास्थ्य तथा जनसंख्या मन्त्रालयले जनाएको छ।
शुक्रबार ४ सय ८० जना कोरोना संक्रमित डिस्चार्ज भएका मन्त्रालयले जनाएको छ। हाल देशभर ३ हजार ६ सय १४ सक्रिय संक्रमित रहेका छन्।आज थप ३ हजार ५ सय ४५ पीसीआर परीक्षण भएको छ। यस्तै नेपालमा पछिल्लो २४ घण्टामा थप ७ जना कोरोना संक्रमितको मृत्यु भएको छ।
योसँगै नेपालभर कोरोनाबाट ज्यान गुमाउनेको संख्या १ हजार ९ सय ८६ पुगेको छ।
