काठमाडौं । नेपालमा सञ्चालनमा रहेका १९ वटा निर्जिवन बीमा कम्पनीहरुले मंसिर मसान्तसम्ममा १२ अर्ब रुपैयाँ बीमाशुल्क आर्जन गर्न सफल भएका छन् । निर्जिवन बीमा कम्पनीहरुमध्ये सरकारी स्वामित्वमा रहेको राष्ट्रिय बीमा कम्पनीको तथ्याङ्क भने विवरणमा समावेश गरिएको छैन ।
बीमा समितिबाट प्राप्त तथ्याङ्क अनुसार निर्जीवन बीमा कम्पनीहरुमध्ये मंसिर मसान्तसम्ममा सबैभन्दा धेरै बीमाशुल्क आर्जन गर्ने कम्पनी शिखर इन्स्योरेन्स कम्पनी रहेको छ । कम्पनीले मंसिर मसान्तसम्ममा १ अर्ब ३७ करोड रुपैयाँ बीमाशुल्क आर्जन गर्न सफल भएको छ ।
दोस्रोमा नेको इन्स्योरेन्स कम्पनी रहेको छ । कम्पनीले पाँच महिनाको अवधिमा १ अर्ब १३ करोड रुपैयाँ बीमाशुल्क आर्जन गरेको छ । त्यस्तै, तेस्रोमा सगरमाथा इन्स्योरेन्स कम्पनी रहेको छ । कम्पनीले मंसिर मसान्तसम्ममा १ अर्ब १३ करोड रुपैयाँ बीमा शुल्क आर्जन गरेको छ ।
त्यस्तै, सिद्धार्थ इन्स्योरेन्स कम्पनीले एक अर्ब रुपैयाँ, एनलजी इन्स्योरेन्सले ९१ करोड रुपैयाँ, प्रिमियर इन्स्योरेन्सले ६९ करोड रुपैयाँ, प्रभु इन्स्योरेन्सले ४६ करोड रुपैयाँ, लुम्बिनी जनरल इन्स्योरेन्स ५६ करोड रुपैयाँ, नेपाल इन्स्योरेन्सले ५२ करोड रुपैयाँ, आइएमई लाइफले ५६ करोड रुपैयाँ, प्रुडेन्सियल इन्स्योरेन्सले ५३ करोड रुपैयाँ, नेपाल इन्स्योरेन्सले ५२ करोड रुपैयाँ बीमाशुल्क आर्जन गर्न सफल भएका छन् ।
त्यस्तै, अजोड इन्स्योरेन्सले ५२ करोड रुपैयाँ, युनाईटेड इन्स्योरेन्सले ४७ करोड रुपैयाँ, प्रभु इन्स्योरेन्सले ५७ करोड रुपैयाँ, ओरियन्टल इन्स्योरेन्सले ४५ करोड रुपैयाँ, एभरेष्ट इन्योरेन्सले ४१ करोड रुपैयाँ, नेशनल इन्स्योरेन्सले ३६ करोड रुपैयाँ, जनरल इन्योरेन्सले २९ करोड रुपैयाँ र सानिमा जनरल इन्स्योरेन्सले २३ करोड रुपैयाँ बीमाशुल्क आर्जन गर्न सफल भएका छन् ।
