काठमाडौं । श्रृजनशील लघुवित्त वित्तीय संस्था लिमिटेडले पुस २९ गते दोश्रो साधारणसभा गर्ने भएको छ । कम्पनी सञ्चालक समितिको बुधबार बसेको बैठकले केन्द्रीय कार्यालय, गोलबजार सिराहामा बिहान ११ बजे सभा गर्ने जनाएको छ ।
सभाले संस्थाको प्राथमिक साधारण शेयर (आईपीओ) सार्वजनिक निष्काशन गर्ने प्रस्ताव पारित गर्नेछ । सभाले आर्थिक वर्ष २०७६÷७७ को वार्षिक प्रतिवेदनमाथि छलफल पारित गर्ने जनाएको छ ।
त्यस्तै, सभामा कुनै पनि वित्तीय संस्थासँग एक आपसमा गाभ्ने/गाभिने तथा प्राप्ति समाहित हुने प्रयोजनको लागि उपयुक्त लघुवित्त वित्तीय संस्थाको पहिचान गर्ने, सहमतिपत्रमा हस्ताक्षर गर्ने र अन्य वित्तीय संस्थाहरुको शाखाहरु खरिद तथा प्राप्ति गर्ने लगायतका कार्यहरुसँग सम्बन्धित आवश्यक कार्यहरु गर्नका लागि सञ्चालक समितिलाई पूर्ण अख्तियारी प्रदान गर्ने प्रस्ताव समेत रहेको जनाएको छ ।
