काठमाडौं । स्वास्थ्य बीमा बोर्डमा जागिर खुलेको छ। बोर्डले एक सूचना जारी गर्दै इच्छुक उम्मेदवारलाई दरखास्त दिन आह्वान गरेको हो।
बीमा बोर्डमा पाँचौँ तह दर्ता अधिकारीदेखि आठौँ तहमा मेडिकल अधिकृतसम्मको पदमा दरखास्त खुलाइएको छ। जसअनुसार काठमाडौंका लागि मेडिकल अधिकृत ६ जना, चार्टर्ड एकाउन्टेन्ट (आठौँ तह) एकजना, हेल्थ इकोनोमिस्ट (सातौँ तह) एकजना, जनस्वास्थ्य अधिकृत (सातौँ तह) १ जना, एक्चुअरियन अधिकृत (सातौँ तह) एकजना, काठमाडौं तथा प्रदेश शाखा कार्यालयका ३ जना सूचना प्रविधि सहायक (पाँचौँ तह) र जिल्ला सम्पर्क कार्यालय र स्थानीय तहका लागि ६० जना दर्ता अधिकारी (पाँचौँ तह) छन्।
यी पदमा अस्थायी दरबन्दीअन्तर्गत नयाँ जनशक्ति भर्ना गर्न लागिएको हो। इच्छुक उम्मेदवारले १५ दिनभित्र दरखास्त पेस गर्नुपर्नेछ।
Latest_Vacancy_Details_Jan12_2026_l8luetf
