काठमाडौं । त्रिभूवन अन्तर्राष्ट्रिय विमानस्थलको नवनिर्मित आन्तरिक टर्मिनल भवनमा शुक्रबारबाट थप एक गरी दुईवटा ब्यागेज बेल्ट सञ्चालनमा आएको छ। आन्तरिक टर्मिनलमा यात्रुको चाप बढेपछि यात्रुहरुबीच आफ्नो सुटकेश र ब्याग लिनका लागि ब्यागेज स्टेशनमा हानाथाप गर्नुपर्ने अवस्था थियो ।
एउटा मात्र बेल्ट हुँदा एकै साथ धेरै विमानहरु आन्तरिक विमानस्थलमा अवतरण गर्दा यात्रुहरुलाई आफ्नो ब्याग र सुटकेश कुर्न र बेल्टबाट संकलन गर्न सकस हुने गरेको थियो । बेल्ट संख्या थपिएसँगै यात्रुहरुलाई सहज हुने भएको छ।
यात्रुको चापको तुलनामा ब्यागेज बेल्ट सीमित हुँदा र अधिकांश समय नियमित मर्मत संभार नहुँदा यात्रुहरु आधा देखि एक घण्टासम्म आफ्नो ब्याग संकलनका लागि संकलन केन्द्रमा कुरेर बस्नुपर्ने बाध्यता रहँदै आएको थियो ।
