काठमाडौं । आज साताको पहिलो दिन शेयर बजार बढेर बन्द भएको छ । आज शेयर बजार नेप्से परिसूचक २२ दशलमव १० अंकले बढेर २,०५२ को विन्दुमा कायम भएको छ । आज हाइड्रोपावर बाहेक सबै उपसूचक बढेका छन् । आज १९४ कम्पनीको शेयर मूल्य बढेको छ भने ४६ कम्पनीको शेयर मूल्य घटेको छ ।
आज माइक्रोफाइनान्स कम्पनीको शेयरमा लगानीकर्ताको आकर्षण देखिएको छ । आज माइक्रोफाइनान्स उपसूचक ४ प्रतिशतले बढेको छ । आज दिनभरिमा २०४ कम्पनीको ७० करोड ४३ लाख ४५७ कित्ता शेयर किनबेच हुँदा २ अर्ब ९२ करोड २७ लाख रुपैयाँको शेयर कारोबार भएको छ ।
आज सबैभन्दा धेरै शिवम् सिमेन्टको शेयर कारोबार भएको छ । आज यस कम्पनीको २२ करोड ९३ लाख रुपैयााको शेयर कारोबार भएको छ । सोनापुर मिनरल्सको १८ करोड १३ लाख रुपैयाँको शेयर कारोबार भएको छ । जोशी हाइड्रोपावरको ७ करोड ९० लाख रुपैयाँको शेयर कारोबार भएको छ ।
आज सबैभन्दा धेरै विन नेपाल लघुवित्त वित्तीय संस्था र जाल्पा लघुवित्त वित्तीय संस्थाका लगानीकर्ताले कमाएका छन् । आज यी दुई कम्पनीका लगानीकर्ताले १० प्रतिशतका दरले कमाएका हुन् । महुली लघुवित्त वित्तीय संस्थाका लगानीकर्ताले ८ दशलमव ७२ प्रतिशतका दरले कमाउका छन् ।
आज सबैभन्दा धेरै चिरख्वा हाइड्रोपावर कम्पनीका लगानीकर्ताले गुमाएका छन् । आज यस कम्पनीका लगानीकर्ताले ७ दशलमव ०६ प्रतिशतका दरले गुमाएका हुन् ।
